][][ قصيدة ترحيبية ][][

][][ قصيدة ترحيبية ][][



يا مرحبا بك عدد ما طار تمساح ... أو عدد ما تنقش سنون نعامة

أو عدد ما يزعل على الموز تفاح ... وعدد قشر في بعير وسنامة

أو دب أمعط لا بغى يطير ما طاح ... إلا بجرف بعيد ولا عدامة

والا خروف دايم الدوم نواح ... ضيع ثغاه وجاب صوت الحمامة

على عشير كن زوله لا راح ... كنغر وشكله ما يعرف الوسامة

ما شافني وأنا مع السوق رواح ... صد وتركني بين شبه وعلامة

نسايم

^^^^^^^^^^^^^^^^^^^^^^^^^^^^^^^^^^^^



][][ ودي ادرس ][][



ودي ادرس لكن وين انا والدروس ... من تذكرج ينسى درسه اللي درس

ادخل الصف ما كأني ضمن الجلوس ... واكثر اللي بصفي شكوا اني خرس

حسيت انا دفتري من ضيقة الخلق حوس ... من كثر ما رسمت قلوب حب انترس
واذكر اني مرة غارق ف الهجوس ... واسمع اللي بجنبي قال قوم احترس

المدرس سألني جاب صورة عروس ... قال هذي شنهي ؟ قلت هذي فرس

ما احسب اني بوسط المدرسة والدروس ... احسب اني بجنبج لين دق الجرس
نسايم

^^^^^^^^^^^^^^^^^^^^^^^^^^^^^^^^^^^^