الحب , كلمات الحب , كلمات حب , كلمات شوق , كلمات غرور , كلمات حقد , كلمات غيره , كلمات شاعريه , اشعار قصيره , شعر قصير , اشعار قصيره

جبرك الوقت ترجع لي جبـرك و جيتنـي ندمـان
دمرك الشوق يا خايـن وجيـت تسابـق ظلالـك


عرفت الحب بغيابي وعرفت انك معـي غلطـان
تأكد مـا يشرفنـي طريـق(ن) دربـه وصالـك


تبيني اخضع لجل عينك وأنا ما اخضع ومهما كان
أقص الـراس قدامـك ولا اخضـع لأشكالـك


لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك


إذا غيري يبي قربك وصـرت فبحـره الغرقـان
نصيحة لا يموت الحـب ومـن قلبـي هنيا لـك


تشب النار في قلبي وتنسى إني معـك إنسان
تخالط بالشقـى هيلـك وصـب الهـم فنجالـك


بعد ما انقلبت الدنيـا تجينـي محتـرق ولهـان
وتقول أرجوك سامحني ووعـد منـي أبوفا لـك


تبي قربي إنا حاضر ولكـن بطلبـك مـن شـان
تشوف شلون لي عـزه تـرد الجـرح لأمثالك


أبي تبكي على شاني وأبي تصرخ من الحرمـان
ولو إني بآخـر الدنيـا أبسمع صـوت موالـك


أبيك تصير مجنوني ومن شافـك يجـي شفقـان
يقول شلون علمنـي وش اللـي غيـر أحوالك


تدل الدرب من دونـي وقدامـك سكـة الأحـزان
توكـل لا تنادينـي ويعينـك الله علـى حـالـك


وأنا يكفينـي ذليتـك وحديتـك علـى الهجـران
تقول الموت من بعدك وأقول هنـااااك اشوالـك


غسلت ايديني من حبك وبرحل واهجرك يافـلان
فمـان الله وباقيلـك نصيحة خلـهـا فبـالـك

وأنا من يضحك الثانـي عشـان أحطم آمالـك


ترى من يضحك الأول مصيره فاللعب خسـران